Teamworte C

En Tabellefüerer,….. selte gseh,

wieter Ladies, no meh no meh!

Die Crew hät Routine, spielt scho lang mitenand,

wege dem hännd die Junge, au chli en schwere Stand.

Hebed dem Sorg, am Ball und am Team,

suscht gits statt Süesses … nur na Souercream.

Denked zrugg, wie isches damals gsi,

Fröleins es chömmed Neui, das isch nie verbi.

Zersch müemmer das Ding mal fertig spiele,

sus gits im Training, s’pure Gegeteil vo Chille.

Am Endi vom Tag, sind sie super durchs Ziel,

erste Verlürer isch demfall …..wil!

Pizzaparty mit Rimuss und Pokal,

Absolute Wahnsinn …. Royal … Total.

Liebi C’ler, MIR gratuliered eu,

Ihr spieled wie Messi und bitte, bliebed eus treu!

Teamworte Da

Das Projekt macht vo Afang aa Spass,

scho luege und lose isch mega krass.

So Jung so guet und trotzdem Vollgas,

jede Gägner isch nachher chli blass.

City holt alli, hinder jedem Hügel,

dänn chömmed die zäme und holed grad de Chübel… 🙂

E grossi Party, am Endi vo de Reis,

Ja sicher …en Pokal…, aber Küssli gits keis… 🙂

Ladies das isch suuuuper gsi,

namal vo vorne, es isch nie verbi!

Teamworte Db

Im März hämer agfange mit de „Meitli Suche“,

cho sind au sottig wommer nöd chönnd – (Pause) –   zrugghole… 🙂

Hettemer Hönng det gunne, aaaaauuuuu Backe,

aber namal en Meister, wär doch kacke… 🙂

Mit de Disziplin, da müemmer hert schaffe,

sus chömmer au in Zoo und bsueched Giraffe… 🙂

Immer sehr gern chumm ich zu euch is Team,

was eu aber fehlt, isch Disziplin.

Zäme Kämpfe, zäme Siege,

Zäme verlüre, zäme Liiiede.

Persönlich

Für mich isch das alles voll okey,

solang ihr tschuttet und nöd icehockey.

Arbet mit Chinder, isch min gröschte Lohn,

Dezue hämmer die Beschti Truppe im Kanton.

En coole Clan, mit viel Support,

will mir ebe Alli…. liebet de Sport.

Zämehebe, will mir City sind,

all die grosse und chline Chinnd.

Säged eune Eltere, ganz liebe Dank,

was die alles für eu mached, isch scho chli chrank

Bi allne Problem, staht under Betreff:

Chömmed zum Dani, er isch euse Chef… 🙂